Xebatên lêgerînê yên ji bo dîtina Kabaîş didomin 2024-09-29 13:29:04   WAN - Xwendekara zanîngehê Rojîn Kabaîş di şeva 27’ê îlonê de li Wanê winda bû û xebatên lêgerînê yên ji bo dîtina Kabaîş berdewam in.    Xwendekara Beşa Pêşxistina Zarokan a Zanîngeha Yuzuncu Yilê ya Wane Rojîn Kabaîş (21) di êvara roja 27’ê îlonê de winda bû û ji wê rojê ve tu agahî jê nayên girtin. Kabaîş li li Wargeha Jinan a Seyyîd Fehîm Arvasî ya li kampusa zanîngehê dima û malbata wê da zanîn ku di 27’ê mehê de piştî li wargehê xwarinê dixwe derdikeve û careke din agahî jê nayê girtin. Hat ragihandin ku Kabaîş cuzdana xwe, telefon, av û keka xwe li kêleka behrê hiştiye û aqûbeta wê nayê zanîn.    Endamên malbatê têkildarî keça xwe agahî dan û gotin ku Kabaîş ji avê ditirse û wiha gotin: “Keça me şevê neçûye wargehê û rêveberiya wargehê jî agahî nedaye me. Ji ber vê yekê em ê dozê li rêveberiya wargehê vekin.”   Tîmên Ewlekariya Qeraxê bi saetane li golê lêgerînê dikin û ferdên malbata Kabaîş jî li cihê xebatê li bendê ne.