
DEM Partî dê ji bo pirsgirêka kurd ‘bangê’ li hemû aliyan bike 

2024-11-09 15:38:43


	ENQERE - Di civîna Desteya Rêveberiya Navendî ya DEM Partiyê de biryar hat dayîn ku ji bo çareseriya pirsgirêka kurd û tecrîda li ser Abdullah Ocalan bang li hikûmet û hemû pêkhateyên din bê kirin.&nbsp;

	Desteya Rêveberiya Navendî (MYK) ya DEM Partiyê îro bi mijarên di rojevê de civiya.&nbsp;

	&nbsp;

	Civîna Desteya Rêveber a Navendî bi serokatiya Hevserokên Giştî Tulay Hatîmogullari û Tuncer Bakirhan hat lidarxistin. Di civînê de yek ji mijarên sereke rakirina tecrîda li ser Rêberê PKK'ê Abdullah Ocalan bû. Her wiha silavdayîn û daxuyaniyên Serokê Giştî yê MHPê Devlet Bahçelî jî bi berfirehî hatin nîqaşkirin û nirxandin.&nbsp;

	&nbsp;

	Her wiha “mafê hêviyê” û peyama Abdullah Ocalan jî hat nîqaşkirin.&nbsp;

	&nbsp;

	DÊ BANG LI DESTHILATDARIYÊ BÊ KIRIN&nbsp;

	&nbsp;

	Di civîna MYK'ê de tayînkirina qeyûm û geşedanên heyî jî hatin nîqaşkirin, biryar hat dayîn ku têkildarî van nîqaşan daxuyaniyeke nivîskî bê dayîn. Rayedarekî DEM Partiyê naveroka daxuyaniya nivîskî wiha nirxand: “Dê ji bo çareseriya pirsgirêka kurd, rakirina tecrîda li ser Ocalan û tayînkirina qeyûman li destilatdariyê û hemû pêkhateyan bangawaziyek bê kirin.”

	&nbsp;

	Heman çavkaniyê partiyê da zanîn ku îro yan jî sibê wê ev daxuyanî bi raya giştî re bê parvekirin.&nbsp;

	&nbsp;

	MA / Mehmet Aslan

	&nbsp;