STENBOL – Akademîsyen Şebnem Korûr Fîncanci û Gencay Gursoy ên belavoka aştiyê îmzekirin û dihatin darizandin hatin beratkirin.
Ji akademîsyenên aştiyê Şebnem Korûr Fîncanci û Gencay Gursoy ên belavoka “Em ê nebin şirîkê vî sûcî” îmze kiribûn, dihatin darizandin. Danişîna doza Fîncanci û Gursoy li Dadgeha Stenbolê hat lidarxistin. Her du akademîsyen û parêzer di danişînê de amade bûn. Gelek akademîsyen û rojnamegeran danişînê şopandin. Piştî akademîsyen û parêzeran parastina xwe kir, şandeya dadgehê biryara beratê derbarê Fîncanci û Gursoy de da.