Li Bajaroka Perî ya girêdayî navçeya Mazgêrda Dersimê palehiya silkê (şeker pancari) dest pê kiriye û ber bi dawiyê ve diçe. Li Periyê îsal 2 hezar donim erd silk hatiye çandin. Çinîna silkê di meha kanûnê de diqede. Li çoltera çiya karker diçinin û li nav erazî jî bi makîneyan silke diçinin. Silka tê berhevkirin dişînin Fabrîkaya Şeker a Xarpêtê.

 

Cotkar her sal nikarin li heman erdî silkê deynin. Divê ji 4 salan carek li heman erdî silk were dayîn. Çimkî dema her sal silk li heman eraziyî were çandin xêrûbera wê kêm e. 

 

XÊRÛBERA ÎSAL KÊM E 

 

Haşîm Kaya yê li bajarok 100 donim sik daniye got 10 sal in ew bi cotkariya silkê ve mijûl e. Kaya bal kişand ser zehmetiyên cotkariya silkê û got: “Karekî bi zehmet e. Xêrûbera îsal li ber salên derbasbûyî kêm e. Çimkî biharê gelek baran barî. Me dereng çandiniyê kir. Yanî em dikarin bêjin kar û zirara îsal hev dernaxe. Cotkarên me ji ber xêrûbera îsal ne kêfxweş in. Xêrûbera me dixwest nehat.” 

 

MA/ Semra Turan