Li Xelfetiyê Festîvala 4'ê Nîsanê 

2025-04-03 15:11:21


	RIHA - Mîhrîcana ku bi boneya 76'emîn rojbûna Rêberê Gelê Kurd Abdullah Ocalan li elfetiyê tê lidarxistin û wê du rojan dewam bike, bi dirûşmeya "Bijî Serok Apo" dest pê kir. 

	Li navçeya Xelfetî ya Rihayê bi boneya 76'emîn rojbûna Rêberê Gelê Kurd Abdullah Ocalan bi dirûşmeya "Bi Rêbertiya Azad Civaka Demokratîk" Festîvala 4'ê Nîsanê tê lidarxistin. Gelek kesên ji Kurdistan û Tirkiyeyê beşdarî festîvalê bûn, ji deverên cüda gihîştin navçeyê. 

	 

	Girseya ku zû hat Parka 4'ê Nîsanê, li ber stranên kurdî govend gerand. Hevserokên Giştî yên DBP'ê Çîgdem Kiliçgun Ûçar û Keskîn Bayindir, parlamanterên DEM Partiyê, aktivîstên Tevgera Jinên Azad (TJA), hevşaredarên DEM Partiyî, birayê Rêberê Gelê Kurd Abdullah Ocalan Mehmet Ocalan, nûnerên Platforma Saziyên Demokratîk û gelek welatî beşdar bûn. 

	 

	Girseya ku ji bajarên derdorê hat bi dirûşmeyên "Bijî Serok Apo" û "Bê Serok jiyan nabe" hat pêşwazîkirin. Di çarçoveya mîhrîcanê de ku wê heya derengê şevê bidome, wê axaftin bên kirin û hunermend derkevin ser dikê. Dê di çarçoveya mîhrîcanê de ku ku wê sibê jî bidome, saet di 13.00'an de ber bi Amarayê ve meş bê lidarxistin.