ENQERE - Meclisa Jinan a Partiya Çep a Kesk starta kampanyaya hilbijartinê da. Meclisa Jinan, strana hilbijartinê ya bi kurdî “Dîsa jin, dîsa jiyan” ku gotin û awazê wê ya Devrîm Demîr e jî da nasîn.
Meclisa Jinan a Partiya Çep a Kesk Beyannameya Hilbijartinê bi çalakiyekê ragihand û strana hilbijartinê ya bi kurdî “Dîsa jin, dîsa jiyan” da naskirin. Gotin û awazê stranê ya hunermend Devrîm Demîr e û ji hêla Komîna Tevna Jinê ve hatiye gotin.
Gotinên strana hilbijartinê ya Meclisa Jinan a Partiya Çep a Kesk wiha ne:
“Va ye em in, li vir in
Em ê bi jinê biguherîn in
Tovê azadiya xwe
Em ê bi destê xwe bireşîn in
***
Bi tîrêjên roja pîroz
Şax dide li nav axa me
Hêvîyên siberoja me
Ronî dikin vê riya me hêy
***
Va ye em in em jin in
Xwediyê fikrekî azad in
Bendê ku ava bûne
Li derdora xwe em radikin
***
Em parêzvanên xwezayê ne
Xwediyê hilberînê ne
Avakerên jiyanê ne
Û dildarê vê dozê ne hêy
***
Dîsa jin, dîsa jiyan
Dîsa jin, dîsa azadî
Belav dibe dengê me
Li heft parzemînên cîhanê
***
Em ava dikin modêlek nû
Li dora rastiya jinê
Em davêjin tovê xwebûnê
Em şîn dikin hêviya hebûne hêy”