Ber bi 8'ê Adarê ve: Di sedsala 21'emîn têkoşîn mezin dibe
- jin
- 16:09 06/3/2021
Jinan li gelek bajaran çalakî û bernameyên cuda li dar xistin û banga beşdarbûna 8'ê Adarê kirin.
Jinan li gelek bajaran çalakî û bernameyên cuda li dar xistin û banga beşdarbûna 8'ê Adarê kirin.
Hevseroka Kongreya Civaka Demokratîk (KDC) Leyla Guven ku li Girtîgeha Jinan a Xarpêtê girtî ye, bi minasebeta 8'ê Adarê Roja Jinên Cîhanê peyamek şand. Guven di peyamê de bal kişand ser têkoşîna jinan û wiha got: “Em hemû kemînên ku pergala mêr ava kiriye yek bi yek derbas dikin û ber bi azadiyê ve dibezin."
Endama Damezrînera Komeleya Jinan a Rosayê Ayla Akat Ata ku li Girtîgeha Sîncanê dimîne, ji bo 8’ê Adarê peyamek parve kir û got: “Gotin û dengê me wê tevlî dengê hemû jinên li qadan û eywanan bibe.”
Ji bo mîtînga 8’ê Adarê Roja Jinên Cîhanê ya li Wanê bêlidarxistin, destûr hat dayîn.
Gundê wê hat şewitandin, hat revandin, îşkence lê hat kirin û di vê oxirê de, kurê xwe winda kir. 30 salên xwe dibin zext, koçberî, sîrgûn, binçavkirin, girtin û li ber deriyên girtîgehan derbas kir, lê tu carî dest jê berneda. Ev hemû û têkoşîna bi rih û can bûye, di çîroka dayika Ferîde cih digirin.”
Jinan diyar kir ku Şaredariya Rezanê dixwaze zilaman li Bazara Semtê ya Jiyanê bi cih bike û wiha gotin: “Qeyûm tayînî bazara jinan hat kirin, dixwazin jinan tasfiye bikin û bişînin malên wan. Em naxwazin di bazara me de zilam hebin.”
Koordînatora Lêkolîna Koalîsyona Jinan a di Rojnamevaniyê de Ceren Îskît anî ziman ku li cîhanê 48 jinên rojnamevan di girtîgehan de 8’ê Adarê pêşwazî dikin.
Jinên ku bi salan mêran tahde li wan kiriye, anîn ziman ku bi saya tevgera azadiyê ya kurdî serwext bûne û gotin: "Kes nikare têkoşîna jinan asteng bike."
Berdevka TJA'yê ya Êlihê Gulîstan Sonuk, destnîşan kir ku ê jinên êlihî li dijî taciz û tecawizê wê dakevin qadan û bersivê bidin.
Karkerên tekstîlê yên jin, bal kişandin ser şert û mercên dijwar ên xebatê û destnîşan kirin ku tekane çare têkoşîn e.
Jinan anî ziman ku dê li dijî tahde û newekheviyê di 8'ê Adarê de dakevin qadan û gotin: "Ji bo serketinê divê em bi hev re têbikoşin."
Hevberdeveka Meclîsa Jinan a HDP’ê Ayşe Acar Başaran li Mêrdînê axivî û got: “Desthilatdariya AKP’ê rewabûna xwe winda kiriye û di nêrîna jinan de tu girîngiya wê nemaye. Tekane hebûna wan tundiye. Vê tundiyê jî, em ê vale derxînin.”
Melek Yamaç li navçeya Tetwane bi awayekî biguman jiyana xwe ji dest da.
Jinan ji bo mîtînga 8'ê Adarê ku dê li Amedê bê lidarxistin bang kir: "Em bi tilîlî û dirûşmeyên xwe li hev kom bibin, em bi hev re Qada Îstasyonê bi rengên xwe bixemilînin."
Nûnerên jin ên partî û rêxistinên civaka sivîl ên Mêrsînê ku amadekariyên 8'ê Adarê dikin gotin: "Her roja me roja berxwedanê, her roja me roja têkoşînê ye û em ê li dû xwe kesî nehêlin û bimeşin."