Qeyûmê Êlihê li pey xwe 3 milyar û 53 milyon û 970 hezar TL deyn hişt
- rojane
- 14:59 18/4
Qeyûmê Şaredariya Êlihê li pey xwe 3 milyar û 53 milyon û 970 hezar TL deyn hişt.
Qeyûmê Şaredariya Êlihê li pey xwe 3 milyar û 53 milyon û 970 hezar TL deyn hişt.
AKP’yên ku 10 salan Şaredariya Serêkaniyê bi rê ve birine wesayîtên Şaredariyê ji hev kirine. Hin wesayîtên şaredariyê bêyî motor in.
Serokê Baroya Şirnexê Rojhat Dîlsîz ku tacîza çawişê pispor a li Şirnexê dişopand û raya giştî agahdar dikir, da zanîn ku hem li wî hem jî li baroyê gef hatine xwarin û heqaret hatine kirin.
Hate îdiakirin ku li Îznîkê 3 kesan dema kolandina qaçax dikir de ji gazê bandor bûne û jiyana xwe ji dest dane.
AKP’iyên ku li navçeya Çelê bi dengên leşker û polîsên veguhestî hatin hilbijartin hevdu bi “karên qirêjî” sûcdar kirin. Hat diyarkirin ku şaredarê berê Ensar Dunar li ser şîrketeke paravan xizmên xwe girtiye kar.
Nûçegihana JINNEWS’ê Rozerîn Gultekîn dema li Bûrsayê nûçe dişopand hatibû binçavkirin û doz lê hatibû vekirin. Gultekîn a bi îdiaya “li dijî qanûna meş û xwepêşandanan muxalefet kirine” dihate darizandin beraet kir.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 37 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan. Ji parêzerên Bûroya Hiqûqê ya Sedsalê Îbrahîm Bîlmez, Emran Emekçî, Cengîz Yureklî û Suzan Akîpa ji bo hevdîtina bi miwekîlê xwe Rêberê PKK’ê Abdullah Ocalan ku li Girtîgeha Tîpa F a bi Ewlekariya Bilind a Îmraliyê di nava şert û mercên giran ên tecrîdê de tê ragirtin û 37 meh in tu agahî jê nayên girtin re, serî li Serdozgeriya Komarê ya Bursayê û Midûriyeta Girtîgeha Îmraliyê dan. Di heman demê de parêzeran ji bo hevdîtina bi girtiyên din ên li Îmraliyê tên ragirtin Omer Hayrî Konar, Hamîlî Yildirim û Veysî Aktaş jî serî li serdozgerî û midûriyeta girtîgehê dan.
Ji ber hezaza li derdora Yenîkopruyê çêbûyî, rêbeja di navbera Wan û Geverê de hate girtin.
Şaredariyên Milazgir û Tetwanê ku ketin destê DEM Partiyê, deynên AKP’iyan li pey xwe hiştin li ser bîllboard û avahiya şaredariyê teşhîr kirin.
Dema rojnamevan Hakan Yalçin girtî bû bi îdiaya “zirar daye malê cemaweriyê” doz lê hatibû vekirin. Di danişîna dozê de salek cezayê hefsê û 17 hezar lîre cezayê pere li Yalçin hate birîn.
Di êrişa hêzên pergala Îranê de kolberekî jiyana xwe ji dest da û ji kolberekî jî agahî nayê wergirtin.
Parlamenterê DEM Partiyê Omer Ocalan û ji parêzerên Rêberê PKK’ê Abdullah Ocalan, Ozgur Faîk Erol têkildarî tecrîda li Îmraliyê bi rayedarên CPT’ê re civiyan. Ocalan, got ku wan ji CPT’yê xwestin ku di mijara tecrîdê de berpirsyartiya xwe bi cih bîne.
Çawişê pispor ku li Şirnexê li dijî 2 jinan êrişa zayendî kiribû hatibû girtin, xwe bi gotinên “Min xwest alîkariya jinan bikim” û “Ez di pîşeya xwe de mirovekî rêzdar im” parast.
Remziye Bor di serdegirtina malê de ji hêla polîsan ve hatibû kuştin û Têkildarî kuştina Bor serî li AYM’ê hatibû dayîn. Parêzer Veysî Guneş got ku daxwaza wan ew e ku dosya nebe ji dosyayên kiryarnediyar.
Hate zanîn ku qeyûmê Şaredariya Bajarê Mezin ê Mêrdînê ji bo mitînga Serokkomarê AKP’î Erdogan ji kirêkirina wesayîtan, cihê mayînê û xwarinê re 2 milyon û 416 hezar lîre xerc kiriye. Her wiha derket holê ku beriya hilbijartinê bi 6 milyon û 469 hezar lîreyî tiştên diyariyê kirîne.