Li Pirsûsê serdegirtinên malan
- rojane
- 10:34 02
Cendermeyan li gundên Elîzer û Uçpingar ên li ser sînorê Kobanê bi ser malan de girtin û 7 kes binçavkirin.
Cendermeyan li gundên Elîzer û Uçpingar ên li ser sînorê Kobanê bi ser malan de girtin û 7 kes binçavkirin.
Selahattîn Alpay ê ku divê ji nexweşiya xwe ya hîdrosefalî emeliyat bibe nexweşxaneya dewletê jê re gotiye, “cîhaza tibî nîne" û wî şandiye nexweşxaneya taybet. Alpay got ku nexweşxaneya taybet jî di navbera 200 û 800 hezar lîreyî de pere jê xwestiye.
Îdareya Taybet a Bajêr a Agiriyê, ji komeleya Mizgefta Navendî ku dahata wê 5 milyon lîre ye, 7 milyon lîreyên din tahsîs kir. Endamê Meclisa Giştî ya Bajêr ê DEM Partiyê Melîk Ozmuş wiha got: “Komeleya li ser navê mizgeftê hatiye avakirin, nelirêtiyê dike.”
Girtiyê nexweş Naîf Îşçî yê ku cara sêyemîne berdana wî tê taloqkirin ev meheke bi daxwaza bidawîbûna bêedeletiyê di greva birçîbûnê de ye. Dayika wî Nebahat Îşçî bang kir û got: "Kurê min îro ji ber vê neheqiyê bedena xwe daye ber birçîbûnê. Dengê wî bibihîzin."
Rewşa tenduristiya girtiyê nexweş Abdulkadir Kuday her ku diçe giran dibe. Tevî ku ATK’ê du caran rapora ‘Nikare li girtîgehê bijî’ da jî dîsa Kuday bernadin. Hevalê Kuday ê odeyê Serdal Yildirim, anî ziman ku rewşa Kuday her diçe giran dibe.
Hejmara 246’emîn a Rojnameya Xwebûn bi manşeta “Çima rojnamegerên jin?” derket pêşberî xwînerên xwe. Rojnameyê di 10 salên dawî de 7 rojnamegerên jin ên hatin qetilkirin derxist pêş.
KESK ji bo kesên ji ber gotina stranên bi kurdî û gerandina govendê, hatine binçavkirin daxuyanî da. KESK’ê destnîşan kir ku ew sepanên wiha yên derveyî demokrasiyê qebûl nekin û xwest kesên hatine binçavkirin werin berdan.
AMED - Li Kuçeya Hunerê polîsan ciwanekî bi lêdanê binçav kirin. Amediyên bûne şahide bûyerê bertek nîşanî tundiya polîsan dan.
Hevserokê Giştî yê DEM Partiyê Tûncer Bakirhan serdana Makbûle Ozer a hatiye berdan kir.
Hevserokê Giştî yê DEM Partiyê Tûncer Bakirhan bang li dewleta tirk kir ku êrişên xwe yên li dijî Rojava û Herêma Kurdistanê bi dawî bike û wiha got: “Em demildest van polîtîkayên şer bi dawî bikin. Bila Tirkiye bi hemû rengên xwe bi hev re bijîn.”
Pismamê Hakîm Lokman ê li Fatîhê ji aliyê komekê ve hate qetilkirin, Saad Mûhsîn Tevfîk got ku “Ji ber pismamê min bi kurdî axivî kêr kirin” û diyar kir ku ambûlans û tîmên polîsan dereng hatin.
Di çalakiyên 1’Îlonê yên li gelek bajaran de hatine lidarxistin de berteka polîtîkayên şer û tecrîda li Îmraliyê derket pêş.
Hêzên Ked, Aştî û Demokrasiyê yên Stenbolê diyar kirin ku desthilat di neçareserkirina pirsgirêka kurd de israr dike û wiha bang kirin: “Divê polîtîkayên şer û tundiyê yên ji bilî mirin, xwîn û hêsirên çavan tu encaman bi dest naxin demildest bên bidawîkirin.”
Li Wanê bi hezaran kesên tev li mitînga 1’ê Îlonê bûne bertek nîşanî polîtîkayên “şer, dagirkerî û tecrîdê” dan.