ROJEVA 5'Ê SIBATA 2024'AN
- rojane
- 09:00 05/2
Nobeta Edaletê ku bi daxwaza azadiya fîzîkî ya Rêberê PKK’ê Abdullah Ocalan hatiye destpêkirin li 6 bajaran berdewam kir.
Meşvanên Azadiya Mezin ên gihiştin herêma Botanê, kesên li Roboskê bi bombebarana balafirên şer hatin qetilkirin bi bîr anîn. Halîme Encu ya bang li dayikên leşker û polîsan kirin ev bang kir: “Werin em dest bidin destê hev.”
Rewşa tenduristiyê ya girtiyê nexweş Mehmet Alî Ugur ê li Girtîgeha Tîpa L a Panosê tên ragirtin her ku diçe xerabtir dibe.
Baskê “Meşa Mezin a Azaadiyê” yê Qersê li pêşiya Girtîgeha Panosê daxuyanî da. Ji meşvanan Hevserokê MED TUHAD-FED’ê Kerem Canpolat got ku ew ê teqez bi ser kevin.
Meşvanên Azadiyê li navçeya Elkê bi dirûşma “Bijî azadî, bimire koledarî” hatin pêşwazîkirin.
Hevberdevka DEM Partiyê Ayşegul Dogan da zanîn ku dê li Stenbolê bi namzetên xwe bikevin hilbijartinê û dê namzetên xwe heta 9’ê sibatê zelal bikin.
Kesên di baskê “Meşa Mezin a Azadiyê” yê Qersê de cih digirin li Panosê bi dirûşmên “Bijî Serok Apo” û “Bê Serok jiyan nabe” hatin pêşwazîkirin.
DBP dê ji bo azadiya Rêberê PKK’ê Abdullah Ocalan li ser medyaya dijîtal kampanyayê bide destpêkirin.
Siyasetmedar û nûnerên rêxistinê girseyî yên demokratîk ên tev li “Meşa Mezin a Azadiyê” bûn, wiha gotin: “Dem dema azadiya Abdullah Ocalan e.”
Tevî hewayê sar û barîna berfê jî “Meşa Mezin a Azadiyê” didome. Meşvanên ku li gundan bi coşeke mezin hatin pêşwazîkirin, bi çepik û tililiyan ber bi Elkê ve hatin oxirkirin.
Baskê “Meşa Mezin a Azadiyê” yê Qersê îro gihişt navenda Agiriyê. Heval Bozdag ê DEM Partiyî wiha got: “Daxwaza me, azadiya birêz Abdullah Ocalan e.”
Parêzer Emran Emekçî diyar kir ku hêzên komploya navneteweyî pêk anîn li bendê bûn ku Abdullah Ocalan bi “berxwedaneke ne bi hostayî” şer dijwartir bike û wiha got: “Lê siyaseta birêz Ocalan a jiyanê ev lîstik tevek vala derxist.”
Ji rojnameger Silêman Ehmed ku ji hêla asayîşa PDK’ê ve hatibû revandin 103 roj in tu agahî nayên girtin. Tevahiya hewldanên ji bo hevdîtinê ji hêla PDK’ê ve tên astengkirin.
Bi mebesta azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk, girtiyên siyasî dest bi greva birçîbûnê kiribûn. Çalakiya girtiyên siyasî di roja 70’an de didome.