Li Edeneyê rojbûna Abdullah Ocalan hate pîrozkirin
- rojane
- 17:00 03/4
Li Edeneyê rojbûna Rêberê PKK’ê Abdullah Ocalan bi birîna pasteyê hate pîrozkirin.
Li Edeneyê rojbûna Rêberê PKK’ê Abdullah Ocalan bi birîna pasteyê hate pîrozkirin.
Serokê Giştî yê Partiya Saadetê Temel Karamollaoglu têkildarî darbeya li dijî îradeya gelê Wanê wiha got: “Şaredarekî ku hatiye hilbijartin bi manîpulasyoneke 2 roj pêşiya hilbijartinê ya bi destê darazê, kirina “qedexekiriyê siyasî” îradeya neteweyî tune hesibandin e.”
Protestokirina hewldana xespkirina îradeya xelkê Wanê berdewam kirin. DEM Partiyî û hêzên demokrasiyê li gelek bajaran daketin kolanan û bang li îktîdarê kirin ku dev ji “darbeya sivîl” berde.
Welatiyên li Amedê hatin bahev, ji bo xespa vîna hilbijêran a li Wanê protesto bikin, li Ofîsê rê li trafîkê girtin.
Hevseroka KCD’ê Leyla Guven tev li merasîma cenazeyê birayê xwe Mûstafa Guven bûn. Guven dû re birin girtîgehê.
Siyasetmedara kurd Leyla Zana li Wanê bangî deh hezaran kesên tev li çalakiya protestoyê bûn kir û wiha got: “Roj roja berxwedanê ye. Em vê zilm û derhiqûqtiya li we hatiye kirin qebûl nakin. Tu kes nikare wiha sivik nêzî îradeya gelê kurd bibe.”
Yek ji hunermendên kurd ê bi nav û deng Ciwan Haco, têkildarî xespa vînê ya li Wanê li ser hesaba xwe ya X’yê wiha got: “Li dijî neheqiyê bêdeng nemînin.”
Li Wanê piştî axaftinên hatin kirin deh hezaran kes ber bi Lijneya Hilbijartinê ya Bajêr ve dest bi meşê kirin. Piştî ku polîsan êriş kir hemû kolanên bajêr veguherîn qada berxwedanê.
Hevserokê Giştî yê DEM Partiyê Tuncer Bakirhan li Wanê axivî û got: “Hûn di 31’ê Adarê de têk çûn. Ji vê hesaba xwe ya xelet vegerin.” Hevseroka Giştî Tulay Hatîmogûllari jî got ku heta Abdullah Zeydan mazbataya xwe digire dê têkoşîna xwe bidomînin.
DFG’ê bertek nîşanî hedefgirtina rojnamevanan a di dema protestoyên bajarên Kurdistanê yên piştî hewldana darbeyê ya Wanê da û wiha got: “Em van êrişên li dijî mafê agahî negirtinê yê gel bi tundî şermezar dikin û êrişên li dijî rojnamevanan demildest bi dawî bikin.”
Girtiyên siyasî ku bi daxwaza azadiya fîzîkî ya Rêberê PKK’ê Abdullah Ocalan û çareseriya pirsgirêka kurd greva birçîbûnê didomînin ragihandin ku di 4’ê Nîsanê roja jidayikbûna Abdullah Ocalan de çalakiya xwe derbasî qonaxeke nû dikin. Girtiyan diyar kir ku wan biryara boykotkirina telefon û serdana malbatan dane.
Koordînasyona Çavdêriyê ya Navenda Greva Birçîbûnê aşkere kir ku kontrolên tenduristiyê yên girtiyên di greva birçîbûnê de ne nehatine kirin û îaşeyên wan nehatine dayîn.
Komeleyên ziman û wêjekaran bi daxuyaniyekê bertek nîşanî nedayîna mazbata Abdullah Zeydan dan û wiha bang li îktîdara AKP-MHP'ê kirin: “Demildest dest ji êrişên xwe yên li ser vîna gelê kurd berde û rêzê li vîna gelê kurd a demokratîk bigire.”
Di hilbijartinên Bedlîsê de 2 hezar û 18 dengên DEM Partiyê nederbasdar hatin hesibandin û îtîraza ji bo deng jinûve bên hejmartin li Lijneya Hilbijartinê ya Bajar hatiye kirin jî hêj biencam nebûye. Parlamentera DEM Partiyê Ceylan Akça got ku heke îtîraz were redkirin dê serî li YSK’ê bidin û îtîrazên xwe yên li kolanan bidomînin.
Ji ber îtîraza AKP’iyan a li dijî du sindoqan, li Curnê Reş biryar hate dayîn ku hilbijartin dîsa bê lidarxistin. Bertekên li dijî vê biryarê didomin. Dê li dijî biryarê li Lijneya Hilbijartinê ya Bajar îtîraz were kirin.