AKP'ê piştî 5 sal şûnde HDP ziyaret kir. Wekîla Serokên Koma HDP'ê Meral Daniş Beştaş, diyar kir ku AKP'ê têkildarî sererastkirina zagonên înfazê ew ziyaret kirine û wiha got: "Em bi vî halî nikarin metrê pêşnûmayê qebûl bikin. Divê tewez di înfazê de rêgeza wekheviye hebe. Em cudakariyê qebûl nakin."
Hevserokê DBP’ê Keskîn Bayindir destnîşan kir ku li yek bajarên kurdan jî navendên testa vîrûsa koronayê lê were kirin tune ne û got: “Ev rewş nêzîkatiya îqtîdarê ya li hember kurdan dide nîşandan. Ez bang li gelê me dikim ku dernekevin derve. Divê birêz Ocalan û hemû girtî demildest werin berdan.”
Partiyên Sosyalîst bertek nîşanî tayînkirina qeyûm a ser şaredariyên HDP’ê dan û diyar kirin ku şaredariyên ku divê xizmetê bidin gel wergeriyane qereqolan û qeyûm ji tenduristiya gel re darbe ye.
Wekîla Seroka Koma HDP’ê Meral Daniş Beştaş diyar kir ku dinya bi vîrûsa koronayê re têdikoşe lê AKP li dijî HDP û kurdan têdikoşe û got: “Çi ferqa qeyûm û vîrûsê ji hev heye? Desteserkirina îradeya gel vîrûsa herî mezin e.”
Hevserokê Giştî yê HDP’ê Mîthat Sancar, diyar kir ku ew bi operasyoneke qeyûm a nû ya desthilatdariya AKP’ê re rû bi rûne û got: “Di vê rewşê de, desthilatdarî li hemberî talûkeya ku mirovahî dixe nava xeteriyek mezin de jî, tenê bekaya xwe difikire.
Hevserokê Partiya Yekîtiya Suryan Senherîb Bersum, têkildarî peyama Ocalan û rola Ocalan a ji bo Sûriyeyê diyar kir ku dikarin bi ramanên Rêberê PKK'ê Abdullah Ocalan guhertineke rasteqîn ji bo parastina xak û gelê Sûriyê çêkin û wiha got: "Em dikarin bi raman û fikrên Ocalan Sûriyeke nû, demokratîk û azad ava bikin.”
Koordînasyona Krîza Vîrûsa Koronayê ya HDP’ê li dijî vîrûsê li herêman dest bi xebatên xwe kir. Koordînasyon ji b o çareseriya pirgirêkan pêşniyazan datîne holê û diyar dike pêwîste pêdiviyên bingehîn ji butçeya giştî wek fonekê were dabînkirin.
Hevserokên Giştî yên HDP’ê Pervîn Bûldan û Mîthat Sancar, têkildarî Cejna Newrozê ku ji ber vîrusa koronayê taloq bûbû bi peyameke bi dîme weşandin. Her du hevserokan jî destnîşan kir ku dê bi rihê piştevaniya Newrozê hemû zehmetiyan derbas bikin.
Serokê Giştî yê Partiya Mirov û Azadiyê Mehmet Kamaç diyar kir ku îsal ji ber vîrûsa corona pîrozbahiyên Newrozê betal kirin û xwest ji ber vê gefa vîrûsê hemû girtîgeh bên valakirin.
Berdevka HDP’ê Ebrû Gunay diyar kir ku dê îşev di saet 20.20’an de agirê Newrozê geş bikin û wiha got: “Em bang li gelê xwe dikin ku îşev li mala xwe di şibakan, şaneşîn û odeyên xwe de find û lambeyan pêxin û agirê Newrozê geş bikin.”
Wekîla HDP’ê Pero Dundar, pirsgirên paqijiyê yên ji ber vîrûsa korona yên di girtîgehan de bir rojeva Meclîsê û ev pirs kir: “Di girtîgehên Tirkiyeyê de, li dijî vîrûsa koronayê, bi taybetî ji bo girtiyên nexweşîna giran bergiriyên çawan hatin girtin?
Hevserokê Giştî yê HDP'ê Mîthat Sancar, têkildarî vîrûsa corona xwest ku komîsyona nûnertiya wekhev a ji nûnerê hemû partiyan pêk tê, bê avakirin û wiha got: “Em dikarin hêza mirovan bikin yek û vê talûkeyê têk bibin."
Yek ji kesên di şandeya Mirovên Aqilmend de cih girt Celalettîn Can, diyar kir ku bi tune hesibandina pirsgirêka kurd re Tirkiye nayê bi rêve birin û got: “Civakeke ku pirsgirêka kurd çareser nekiribe, civakek du linge û nikare demokrasiyê hembêz bike.”
Alîkarê Hevserokên Giştî yên HDP’ê Umît Dede bal kişand ser metirsiya ku vîrûsa koronayê li girtîgehan belav bibe û vê bangê li Wezareta Dadê kir: “Divê girtiyên nexweş û extiyar werin berdan. Cezayê hikumxwarên nexweş û extiyar were taloqkirin.”
Hevserokê HDP'a Wanê Okkeş Kava, ji bo pêşniyara "rêya sêyemîn" a Ocalan anî ziman ku ji bo gelên Rojhilata Navîn tekane alternatîf e û got: "Piyê sêyemîn, senteza tez û antîtezê ye. Bi nasname, çand û cudabûna xwe piyê jiyana bi hev re ye. Ev pî jî HDP ye."