Partiyên siyasî bi wesîleya Cejna Qûrbanê, cejna hev pîroz kirin. Parlamentera HDP’ê ya Stenbolê Huda Kaya şandeyên CHP, SP û DSP’ê pêşwazî kirin û hêvî kir ku ev cejin bibe cejna, azadî, aştî, bindest, kedkar, jin û ciwanan.
Hevserokê HDP'ê yê Amedê Mehmet Şerîf Çamçi diyar kir ku dê di 1'ê Îlonê Roja Aştiya Cîhanê de mîtînga aştiyê pêk bînin. Çamçi, da zanîn ku dê di mitîngê de bixwazin ku tecrida li ser Rêberê PKK'ê Abdullah Ocalan bi dawî bibe.
Parlamenterê HDP’ê Garo Paylan, diyar kir dê bi sererastkirina herî dawî ya “Aştiya Hebûnê” rê, “Pereyên reş qebûl” bikin û got: “Pereyên reş ên li Tirkiyeyê tên qezenckirin, weke ku ji derveyî welat re şandibin dê bidin nîşandan û hewl bidin bi vê yekê hin kesan fîhil bikin.”
Endamê Lîjneya Serokan a ODP'ê Alper Taş, diyar kir ku sedema bingehîn a krîza aborî polîtîkaya Tirkiye ya têkildarî Sûriye ye û wiha got: "Şerekî li diji Idlibê pêk bê, dê rê li pêş koçberiyek mezin a ber bi Tirkiyeyê ve veke. Divê hêzên muxalif der barê hilbijartina rêveberiyên herêmî de jî amade bin."
Parlamenterê HDP'ê yê Amedê Selçuk Mizrakli krîza ku îro Tirkiye ketiye nav nirxand û diyar kir ku ev krîz emcama pergala 200 salan e û wiha got: "Ji bo Tirkiye ji nava vê krîzê derkeve divê bi lez gavên bawerî, aramî, aştî û demokrasiyê pêş bixe. Divê bi lez tecrîda li ser Ocalan bi dawî bibe. "
Hevserokê Giştî yê HDP'ê Sezai Temellî, diyar kir ku ew ne di keştiya hikûmetê ya noqî avê dibin de ne û wiha got: "Çareserî di rêxistinkirina berxwedanê de ye. Çareserî li taxa me ye. Divê em bi hevre berxwedanê bi rêxistin bikin. Em hemû rexneyên li dijî partiya xwe bi baldarî dinirxînin."
Hevserokê Giştî yê HDP'ê Sezaî Temellî, diyar kir ku ew rexnedayînê bi riya çapemeniyê û medya civakî nakin, ew rexnedayîna xwe didin gel, hevalên xwe û saziyên xwe.
Serokê Giştî yê PSK’ê Mesûd Tek, diyar kir ku sedema kûrbûn krîza aborî ji ber polîtîkayên şer ên AKP’ê ye û got: “Erdogan li şûna çareseriyê netewperetiyê pêş dixe. Ji ber vê em naxwazin fedekartî bikin.”
Parlamenterê HDP'ê yê Stenbolê Erol katircioglû, destnîşan kir ku Papaz Brûnson rehîn tê girtin û got: "Dema mirov krîzê bi Amerîkayê ve girêde, ev tê wateya keysperestiya siyasî ya Tayyip Erdogan."
Parlementerê HDP'ê yê Stenbolê Mûsa Pîroglû, ji bo gotinên Serkomar Erdogan ku got "Em di heman keştiyê de ne" got: "Ne êşê me yek bûn, ne jî em di heman keştiyê de man. Tu carî çarenûsa me ne hevpar bûye û dê nebe jî." Seroka EHP'ê Sîbel Ûzûn jî got: "Aşkere ye ku dê gel, kedkar û bloka rejîma yek zişamî û sermayeyê di heman keştiyê de cih negirin."
Berdevkê HDP’ê Saruhan Oluç têkildarî geşedanên aboriyê de axivî û got: “Divê aboriya îsrafê bidawî bibe. Lazim e têkiliyên dostikên hev bi dawî bibin û xwe arasteyî hilberîn û îstîhdamê bikin. Pêwîste dawî li xerckirina leşkerî û şer bê anîn. Heta ev gav neyên avêtin, ne pêkan e krîz bê sekinandin.”
Di 6 salan de 176 hezar û 951 kesî bi hinceta "mafên wan ên darizandineke adil hatiye binpêkirin" serî li AYM'ê dane. Parlementerê CHP'ê Sezgîn Tanrikûlû ji bo helwesta AYM'ê ya ji bo serlêdanan got: "Bû hevparê polîtîkaya binpêkirina mafên mirovan."
Nûnerên partiyên siyasî bertek nîşanî gefxwarina Erdogan a li dijî HDP’ê dan û gotin: “Me li ber gef û zextên Qesrê çok danenî û em ê çokê daneynin.”
Partitiyên EMEP, Kesekan û Malêngel yên di hilbijartinê de piştgirî dan HDP’ê bertek nîşanî gotinên Serokkomar Erdogan ên “Ên piştgirî dan ku bikevin parlamentoyê, dê hesab bidin” dan û gotin: “Têkoşîna me ya demokrasiyê tu caran bi gefan naraweste.”
Endama MYK'ê ya HDP'ê Zubeyde Zumrut, destnîşan kir ku feraseta tekparêz, nîjadperest û zayendîparêz ya bi Pergala Hikûmetê ya Serokomariyê re tê avakirin welat ber bi xetereyê ve dibe. Zumrut, diyar kir ku li hemberî vê yekê divê pêşî komên jinan ên partiyên muxalif ên di parlementoyê de mil bidin milê hevdu û bitêkoşin.