Lijneya Rêvebiriya Navendî ya HDP'ê der barê cezayên li siyasetmedarên kurd birîn de got: "Daraza alîgirê desthilatdariyê di 2 rojan de ceza li ser ceza birî. Careke din hiqûq xiztin xizmeta berjewendiyên siyasî."
Parlamenterê AKP'ê yê berê Ahmet Faruk Unsal, der barê rageşiya di navbera Gul-Erdogan a serê salê de dest pê kir wiha got: "Erdogan Gul wekî rabîkê xwe dibîne. Ji ber ku rakîbê ku Erdogan herî hêsan wî têk bibe Abdullah Gul e."
Hevserokê Giştî yê HDP'ê Selahattîn Demîrtaş, ji Girtîgeha Edîrneyê peyamek şand û diyar kir ku ew ê di kongreya 11'ê Sibatê de nebe bernamzetê hevserokatiya giştî. Demîrtaş ji hemû hevrêyên xwe re serkeftin xwest û got "Em ê teqes bi ser kevin."
Hevseroka Giştî ya HDP'ê Serpîl Kemalbay, bertek nîşanî 16 sal û 8 meh cezayê li Îdrîs Baluken hatiye birîn da û got: "Ev qetilkirina hiqûqê ye. Dê edalet bi HDP'ê bê ser vê axê."
Nûnerê Hewlerê yê HDP’ê Abît Îke, diyar kir ku pirsgirêkên niha li herêmê derdikevin holê koka wan heye û wiha got: "Gel êdî vê pergalê qebûl nake û dadikevin kolanan. Xuya dike ku dê di nava Îran, Iraq û DYA'yê de şerekî mezin dest pê bike.
Serhildanên gel ên Îranê hefteyek derbas kir. Serhildanê ku li qadekê dest pê kir li hemû Welatê Îranê belav dibe. Hevseroka Giştî ya SYKP'ê û Pispora Rojhilata Navîn Tulay Hatîmogullari diyar kir ku ev şerê nan û azadiyê ye û wiha got: "Di raperîn û serhildanên li Îranê de hêz û pêşengiya jinê ya di guhertinê de gelek zêde ye."
Parlamenterê CHP’ê Sezgîn Tanrikulu, daxuyaniyên Wezareta Karê Diyanetê ya "Zarokên balix bûyî li gorî ola îslamê dikarin bizewicin" bir Meclîsê.
Pisporê Rojhilata Navîn ê Îranî Arîf Keskîn diyar kir ku eleqeya çalakiyên li Îranê ne bi aborî û ne jî bi bêkariyê re heye û got: “Gel guhertinek bingehîn a rejîmê dixwaze. Heke mirov bêje ev ‘DYA û Îsraîl dike’ ne rast e. Bi vê gotinê dixwazin daxwazên gel binixûmînin."
HDP bi beşdariya hemû wekîlan li Amedê dikeve kampê. Danişîna doza Îdrîs Baluken a bi dîroka kampê re rûqalî hev dibe, HDP hewl dide hemû wekîlên xwe tev li danişîna dozê bike.
Seroka Giştî ya Partiya Îyî (ÎP) Meral Akşener, diyar kir ku ew dibihîzin li Tokat û Konya kampên perwerdehiya çekdarî hene.
Hevserokê Giştî yê HDP'ê Selahattin Demirtaş ê ji ber axaftinek wî doza tazmînatê lê hatibû vekirin dê 15 hezar TL tazmînatê bide Serokê AKP'ê Tayyip Erdogan.
Serokwezîrê Tirkiye Bînalî Yildirim, di ziyareta Navenda Koordînasyona Miduriyeta Giştî ya Polîsan (EGM) de got: “Înşallah em dê di sala 2018'an de mijara terorê li Tirkiye bikin rojeva herî kêm û daxînin sînorê jêr." Vê daxuyaniya Yildirim gotina Wezîr Soylu a 'Em dê PKK’ê di mijdarê de xelas bikin" anî bîra mirovan.
Hevserokê Giştî yê PYD'ê Şahoz Hesen, diyar kir ku li Sûriyeyê li ser bingeha Neteweya Demokratîk pergalekê ava dikin û wiha got: "Ev pergala ku em ava dikin hem di milê leşkerî û siyasî hem jî di milê civakî û aborî de destkeftiyên nû pêş dixe û dê ji bo Iran û Iraqê jî bibe çareserî.
Rexistina DBP'ê ya Şirnexê 4'emîn kongreya xwe pêk anî. Di kongreyê de Hevserokê Giştî yê DBP'ê Mehmet Arslan bal kişand ser axaftina Serokê AKP'ê Erdogan a li Şirnexê û diyar kir ku gelê Şirnexê nîşan daye ku nûnerê wan ê rastîn kîye. Arslan, bal kişand ser tecrîda li ser Ocalan û wiha got: "Çavkaniya pirsgirêka li Tirkiye tecrîda li ser Ocalan e. Ji bo çareseriya Tirkiye divê tecrîda li ser Ocalan bi dawî bibe."
Hevseroka Giştî ya HDP’ê Serpîl Kemalbay peyama sersalê da û wiha got: "Ligel hemû konseptên êrîşkar ên desthilatdariyê, dibe ku sala 2018'an bibe sala aştî û azadiyê."