STENBOL - Sendîkaya Teqawîtên Demokratîk (DEM-SEN), bi daxuyaniyekê avakirina xwe îlan kir. DEM-SEN'ê diyar kir ku ji ber şewba vîrûsê mirov qir dibin û li dijî vê qirkirinê rêxistinî ferz e.
Sendîkaya Teqawîtên Demokratîk (DEM-SEN), li dijî binpêkirina mafên teqawîtan û ji bo parastina keda kesên teqawît, bi daxuyaniyekê avakirina xwe îlan kir. DEM-SEN'ê diyar kir ku ji ber şewba vîrûsê mirov qir dibin û li dijî vê qirkirinê rêxistinî ferz e. Sendîkaya DEM-SEN'ê, diyar kir ku ji bo jiyanek mirovane û parastina mafê wan ê hatiye xezpkirin dê têbikoşin. Sendîkayê destnîşan kir ku mafê kesên teqawît ên rêxistinî, xweserî, aborî û demokratîk nayê dîtin.
Sendîkayê xwest rê li pêş şewbê bê girtin, piştgiriyê bidin esnafan û hemû fabrîqe bên girtin. Sendîkayê daxwazên xwe wiha rêz kir: "Divê zagona ji bo parastina mafê kedkaran bê derxistin. Divê hemû welatî ji aliyê Ewlehiya Civakî ya Dewletê ve bên parastin. Divê zema meaş bi peymana tobarî bê diyarkirin. Divê rê li pêş diziya gel bigirin. Zemê ceyran, av, rê û xaza xwezayî bi dawî bibe. Divê heqê ji bo rê, balafirgeh, nexweşxaneyan ji welatiyan nexwazin. Divê perwerde zanistî, demokratîk û bê pere be. Divê neweşxaneyên dewletê yên hatin girtin bên vekirin û xizmeta tenduristiyê ji qada bazirganiyê derxin. Divê hemû nexweşxaneyên taybet bikin malê cemaweriyê û xizmeta tenduristiyê bê pere be. Divê daxwaza kesên teqawîtbûnê dixwazin qebûl bikin û wan teqawît bikin. Divê mafê kesên teqawît ê ragihandinê bê parastin. Divê betalkirina îmzeya Peymana Stenbolê betal bikin û Peymana Stenbolê texin meriyetê. Divê rê li pêş cînayetên jinan bigirin. Divê dawîli karkeriya zarokan bînin. Divê teqez Kod 29 qedexe bikin."