NAVENDA NÛÇAYAN - Derket holê ku şaredariyên ku ji aliyê şaredarên AKP’ê û qeyûman ve tên birêvebirin, 6,7 milyar lîre ji Wezareta Xezîneyê re deyndar in.

 

Wezareta Xezîneyê û Maliyeyê di 21’ê tabaxê de deynê 30 îdareyên xwecihî ku ji Xezîneyê re deyndar in nûjen kir. Li gorî daneyan, ev îdareyên xwecihî bi giştî 10 milyar û 504 milyon lîre ji Xezîneyê re deyndar in. Li gorî nûçeya rojnameya Bîrgunê, şaredariyên ku ji aliyên şaredarên AKP’ê û qeyûman ve tên birêvebirin, saziyên ku herî deyndar in. 

 

Ji 10,5 milyar lîre deyn, 6 milyar û 698 milyon lîre deyn aydî şaredarên AKP’ê û qeyûman in. 

 

Şaredariya ku herî deyndar e Şaredariya Bajarê Mezin a Kocaeliyê ya AKP’yî ye. Deynê vê şaredariyê 2 milyar û 229 milyon lîre ye. Li pişt Şaredariya Kocaeliyê, Şaredariya Bajarê Mezin a Samsûnê tê û deynê wê jî 941 milyon lîre ye. Deynê Îdareya Av û Kanalîzasyonê ya aydî Şaredariya Bajarê Mezin a Samsûnê jî 353 milyon lîre ye. 

 

Şaredariyên din ên deyndar wiha ne: 

 

* Şaredariya Êlihê (rêveberiya qeyûm): 336 milyon û 56 hezar TL

 

* Şaredariya Bajarê Mezin a Bûrsayê (AKP): 759 milyon û 623 hezar TL

 

* Îdareya Avê û Kanalizasyonê ya Bûrsayê: (AKP): 414 milyon û 726 hezar TL

 

* Şaredariya Bajarê Mezin a Denîzliyê (AKP): 73 milyon û 960 hezar TL

 

* Şaredariya Bajarê Mezin a Dîlokê (AKP): 34 milyon û 274 hezar TL

 

* Şaredariya Sêrtê (rêveberiya qeyûm): 71 milyon û 254 hezar TL

 

* Şaredariya Sêwazê (AKP): 264 milyon û 414 hezar TL

 

* Îdareya Avê û Kanalizasyonê ya Amedê (rêveberiya qeyûm): 216 milyon û 584 hezar TL.