ENQERE - Tezkereyên bi daxwaza rakirina parêzbendiyên 12 parlamenteran hatine amadekirin, ji Komîsyona Têkel a Meclisê re hatin şandin. 

 

Tezkereyên ji hêla Serokkomariyê ve bi daxwaza rakirina parêzbendiyên parlamenterên DEM Partî, CHP, Partiya Saadetê û parlamenterên serbixwe hatine amadekirin, ji Meclisê re hatin şandin. Tezkereyên behsa xeberê ji Komîsyona Têkel re hatin şandin ku ji endamên Komîsyona Destûra Bingehîn û Edaletê ya Meclisê pêk tê. 

 

Parlamenterê dosyayên wan hatine şandin ev in: “Parlamentera DEM Partiyê ya Dersimê Ayten Kordu, Parlamenterê DEM Partiyê yê Stenbolê Cengîz Çîçek, Parlamenterê DEM Partiyê yê Kocaeliyê Omer Faruk Gergerlîoglû, Parlamenterê DEM Partiyê yê Îdirê Yilmaz Hun, Parlamentera DEM Partiyê ya Agiriyê Nejla Demîr, Parlamenterê CHP’ê yê Îzmîrê Tuncay Ozkan, parlamenterên CHP’ê yên Stenbolê Ozgur Karabat, Turan Taşkin Ozer, Turkan Elçî, Parlamenterê CHP’ê yê Aydinê Sulyeman Bulbul, Serokwekîlê Koma Partiya Saadetê û Parlamenterê Stenbolê Bulent Kaya û parlamenterê serbixwe Cemal Engînyurt.”