NAVENDA NÛÇEYAN -Serokomarê Iraqê Letîf Reşîd bi Serokê YNK'ê Bafil Talebanî re civiya. Di hevdîtinê de geşedanên dawî yên siyasî yên li herêmê hatin gotûbêjkirin.
Serokomarê Iraqê Letîf Reşîd bi Serokê YNKê Bafil Talebanî re civiya. Di daxuyaniya Ofîsa Ragihandinê ya Serokomariyê de wiha hat gotin: "Serokomar Letîf Cemal Reşîd li gel Serokê Yekîtiya Niştimaniya Kurdistanê (YNK) Bafil Celal Talebanî civiya."
Di daxuyaniyê de her wiha hat gotin ku di hevdîtinê de rewşa siyasî û geşedanên dawî yên der barê pêkanîna hikûmeta Herêma Kurdistanê de hatine gotûbêjkirin.
Li gorî daxuyaniyê, Serokomarê Iraqê Letîf Reşîd tekezî li ser giringiya pêkanîna bilez a hikûmetê û amadekirina bernameyeke xizmetguzariyê ya berfireh kir ku li gorî hêviyên welatiyan, bihêzkirina yekitiya niştimanî û bihêzkirina ewlehî û aramiyê li seranserê welêt.