ENQERE - Parlamenterê CHP’ê Mûrat Bakan diyar kir ku midûrên emniyetê yên Bedlîs, Mêrdîn û Edeneyê û fermandarên cendirmeyan ên Enqere, Çanakkale û Agiriyê ji wan encamên hilbijartiê xwestine û wiha got: “Gelo YSK’ê hûn peywirdar kirine?”
Parlamenterê Partiya Gel a Komarê (CHP) Mûrat Bakan li ser hesaba xwe ya medyaya dijîtal peyamek parve kir û got ku midûrên emniyetê yên Bedlîs, Mêrdîn û Edeneyê zextê li polîsan dikin ku encamên hilbijartinan kom bikin û ev agahî parve kirin: “Di heman demê de Fermandarê Cendirmeyan ê Enqereyê Cemîl Lutfî Ozkul û fermandarên cendirmeyan ên Çanakkale û Agiriyê jî encamên hilbijartinan xwestine. Ozkul, tu çima encamên hilbijartinê dixwazî? Gelo YSK’ê peywireke taybet daye te lê haya me jê nîne? Gelo hûn ji cendirmeyê derbasî YSK’ê bûne? Tu niha sûc dikî û ji bo personel jî sûc bikin didî zorê.”