Aktîvîsta VAKAD’ê ya bi KHK’ê hat girtin Songul Ozînver diyar kir ku bi girtina sazî û dezgehên jinan û zarokan re bûyerên îstîsmarê zêde bûne û nebûna rêxistinên civaka sivîl ên piştevaniyê bidin, bêtir mexduriyetî diqewime.
Dayîka ji malbata Kureyşan Raîme Kizilkan, diyar kir ku di baweriya Elewiyan de wekheviya jin û zilam esas tê girtin û got: “Pergal dixwaze di Elewîtiyê de hişmendiya sedest ava bike. Ez ji jinên Elewî dixwazim ku rola ji bo wan hatiye dayîn, qebûl nekin.”
Li gorî Rapora Zinarê Zayendiya Civakî ya Kurevî, ji bo zinarê neqeba wekheviya firsendê ya jin û mêr bê girtin, endeksa herî girîng, zêdekirina tevlêbûna polîtîk e. Li gorî Wekîla Seroka KEFEK’ê ya serdema berê Candan Yuceerê ev zinarê navbera jin û mêr di 16 salên îktîdara AKP'ê de her ku diçe bêtir kûr dibe.
Koma Zayendiya Civakî ya ODTU, ji bo Şûle Çet ya rastî êrîşa zayendî hat û hat kuştin, bi daxwaza cezakirina kujer kampanya “#ŞuleÇetİçinAdalet” dan destpêkirin.
Parêzer Ceren Şîmşek, nîqaşên “Xesandin” û “Darvekirinê” yên derbarê bûyerên îstîsmara zarokan de, nirxand û got: “Nîqaşên xesandinê tenê tê wateya rewakirina tecawizê.”
Nivîskara pirtûka destan a Rojnamegeriya Lêkombûna Zayenda Çivakî Elif Akgul, diyar kir ku zimanê nûçeyê bandora xwe li ser teşekirina civakê dike û xwest li ziman baldar bin. Nivîskara pirtûkê Çiçek Tahaoglu jî xwest rojnameger zimanê ku hildibijêrin û pê nûçe dinivîsin her dem di lêpirsînê re derbas bikin.
Yekîneya Navenda Polîtîkayên Alternatîf, Aştî û Demokrakiyê (DEMOS) ku li Kolombiya pêvajoya aştiyê û beriya aştiyê lêkolîn kir, encala lêkolînê kirin rapor. Di raporê de hat diyar kirin ku rola jinan a di nava pêvajoya aştiyê de gelek zêde ye. Di raporê de ji bo Tirkiye pêşniyarêr aştiyê hatin kirin.
Aktîvîsta TJA Fîgen Ektî, bal kişand ser Pergala Hikûmeta Serokkomariyê û got: “Bi vê pergalê hewl didin hemû dînamîkên civakê tune bikin. Ev pergal ji bo jinan hinceta mezinkirina têkoşînê ye.”
Endama Înîsyatîfa Derûnasên Mezopotamyayê Leyla Tûrhan, diyar kir ku sedema zêdebûna îstismarkirina jin û zarokan sedemên derûnî ne. Tûrhan got, Rewşa Awarte û pêkanînên bi vî rengî di civakê de şidet û îstismarê zêde kirine.
Gihayê gulhesilê ku ji bo tenduristiya jinan baş e, bi taybetî jî ji bo sanciyên di dema reglê de tesîra wê zêde ye. Kîmyager Semra Yeşîl jî xwest jin sûdê ji nebatên xwezayî bigirin.
Fatma Tûran û Zuleyha Tûran ku li Çemê Şemaşê dijîn, bi destbûlûnk û parzûnê debara xwe dikin û bi vî awayî çanda xwe berdewam dikin.
Li Dîlokê, Gulay Gonulalan a bi teksîvaniyê debara xwe dike, diyar kir ku jin ji wê re dibêjin “Baş bû te dest pê kir. Êdî em dikarin bi bawerî biçin.
Jinên erdexanî ku di havînê de dewarên xwe dibin zozanan, behsa zor û zehmetiyên jiyana li zozanan kirin. Jinan bilêv kir ku pere zivistanê deyn dikin û beramberiya vî pereyî 2 mehan ji bo banedaran, mehkê ji bo pêdiviyên malê, hilberandina penêr û rûn dixebitin.
Li Sîlopiyê germa gihişt 45 derece yî. Ji roja ku jinan bertek nîşanî panoyên ceyranê yên derxistin derve dan û vir ve ceyrana wan hatiye birîn. Jinan ji bo ceyrana wan a hat birîn, dibin germa 45 derece de meşiyan.
Meclîsa Jinan a HDP’ê encamnameya civîna nirxandina hilbijartinê ji raya giştî re parve kir. Meclîsê, diyar kir ku di pêvoya hilbijartinê de rolên zayendî hatin xurt kirin, ziman û helwestên zayendperest hatin mezinkirin û got: “Em ê di parlamentoyê de, dengên meclîsa jinan, rêxistinên jinan û femînistan bilindtir bikin.”