Hevserokatiya Desteya Rêveber a Federaliya Bakurê Sûriyeyê bang li hemû gelên Bakurê Sûriyeyê û giştî Kurdistanê kir ku li dijî van destdirêjiyên Tirkiyeyê serî hildin. Tevgerên Gel ên Navneteweyî jî li dijî êrîşên Tirkiye daxuyanî da û got "Şerê Tirkiyeyê yê li dijî Efrînê bisekinîne, Efrînê biparêzin." Li Silêmanî jî, Gruba Dengê Şeqame (kolan) bi heman armancê daxuyanî dan û êrîş şermezar kirin.
Wezareta Ewlehiyê ya Rûsyayê diyar kir ku wan leşkerên xwe ji Efrînê kişandine.
Li eyaleta Aktobe ya Kazakistanê otobusa rêwiyan şewitî. Di bûyerê de 52 rêwiyan jiyana xwe ji dest dan.
Parlementoya Ermenîstanê pêşnûmeya Jenosîda Êzidiyên li Şengalê ji aliye DAIŞ’ê ve pêk hat, qebûl kir.
Saziya Fikrî ya Freedom House (Mala Azadiyê) ya navenda wê li Washingtonê ye, Rapora Azadiya Cîhanê ya 2018’an aşkera kir û diyar kir ku Tirkiye yekemîn care ku di nav welatên ne azada de cih digre.
Rojnameya navdar ya Birîtanî The Times, di sernivîsa xwe de “Tirkiye bi agir dilîze” de cih da axaftinên Erdogan û hewildan operasyoneke li dij Efrînê. Times ji bo operasyonê nirxandina“ Tirkiye ku hêj leşker neşandiye Suriyê divê dîsa bifikire” kir.
Sê jinên kurd ên li Parîsê hatin kuştin Sakîne Cansiz, Fîdan Dogan û Leyla Şaylemez li Moskowayê hatin bi bîranîn.
Komîserê Bilind ê Mafê Mirovan ê Neteweyên Yekbûyî Al Huseyîn daxuyanî da û bang li rayedarên Îranê kir ku li dijî bûyerên li Îranê şîdetê nekin.
Helîkoptera Rûsî li Sûriyeyê ket. Du pîlotên helîkoptêrê jiyana xwe ji dest dan û endezyarê wê jî birîndar bû.
Nûnerê Daîmî yê Sûriyeyê li Neteweyên Yekbûyî Beşar Caferî hebûna leşkerên Tirkiyeyê li Sûriyeyê weke “êrîşkariyê” binav kir û got divê hemû hêzên leşkerî bêmerc ji Sûriyeyê vekişin.
Li bajarê Melbourne yê Avusturalyayê wesayîtek daket nav koma mirovan û êrîş pêk anî. Hat ragihandin ku di buyerê de gelek kes birîndar bûne û polîsan ajokarê wesayîtê binçav kir.
Komîteya Parastina Rojnamegerên Navneteweyî (CPJ), rapora rojnamegerên girtî aşkere kir. CPJ'ê diyar kir ku di welatên cîhanê de herî zêde li Tirkiye rojnameger girtî ne û di Çîn û Misir jî li pey Tirkiye ne.
Rejîma Erebîstana Siûdî bi balafiran li herêma Hûsiyan a Şîîyên Yemenê kontrol dike xist. Di êrîşê de 39 kes hatin kuştin.
Serokê Dewleta Rûsyayê Vladimîr Pûtîn berî serdana xwe ya Tirkiyeyê çû serdana Beşar Esad û Pûtîn li vir ferman da ku leşkerên rûsî ji xaka Sûriyê vekişin.
Konseya Ewlekariyê ya Neteweyên Yekbûyî (KENY) bi rojeva Qudsê rûnişt. Ji bo aştiya di navbera Filîstîn û Israîlê de pêk were, bang kir ku divê hewldana navnetewî çêbibe.