Endama Rêxistina Mafê Mirovan a Efrînê Naylê Mihemed diyar kir ku ji sala 2018’an ve li herêma Efrînê herî kêm 71 jin hatine qetilkirin û 82 jin bi tecawizê re rûbirû hatine hiştin û tenê di van 2 mehên dawî de 12 jin hatine revandin.
Komîsyona Jinan a Şaxa ÎHD ya Amedê, diyar kir ku di mitînga 8'ê Adarê ya Amedê de gelek mafên jinan hatine binpêkirin û ev daxwaz kir: "Divê zextên sîstematîk ên li dijî aktîvîstên jin bi dawî bibin."
Jinên şahidiya Newrozên salên 90'an kirine, niha bi ruhê berxwedêr ên wan salan amadekariya Newroza 2022'an dikin.
Komxebata Meclisa Jinan a Şaxa KESK’ê ya Mêrdînê ku bi dirûşma “Ji bo Jiyaneke Bêtundî Bangewaziyek” hat lidarxistin, bi dawî bû. Di pêşrapora komxebatê de bang li desthilatdariyê hat kirin ku Peymana Stenbolê dîsa têxin meriyetê.
Berdevka Meclisa Jinan a HDP’ê Ayşe Acar Başaran diyar kir ku di 8’ê Adarê de li her devera cîhanê jin daketin qadan û ev jî tespîta ku dibêje ev sedsal dê bibe sedsala jinan, piştrast dike. Başaran, got ku coşa jinan a 8’ê Adarê dê biherike qada Newrozê.
Nûnerê Egîtîm Bîr-Senê Burak Ercan li Cizîrê tacîza zayendî li zêdetirî 40 xwendekaran kiribû. Tevî vê yekê jî dadgehê 22 meh û 15 roj cezayê girtîgehê li tacîzkar Ercan birî. Jinan bertek nîşan dan û diyar kirin ku ev nêzikatî “polîtîkaya şerê taybet a dewletê” ye û bi vî rengî jî tacîzkar û tecawizkar tên xelatkirin.
Endama Jin bi Hev re Bihêz in Tûlay Korkutan anî ziman ku bi kampanyayên xwe dibin dengê jinên girtî û wiha got: “Piştevaniya me dê dîwarên girtîgehan hilweşîne.”
Di çalakiya Xizmên Windayan de li aqûbeta rojnamevan Nazim Babaoglu yê 28 sal berê hatibû windakirin hat pirsîn. Kekê wî Îhsan Babaoglu got: “Kujerên birayê min diyar in.”
Şêwira Jinên Kurd ku îro li Silêmaniyeyê bi tevlibûnan jinên ji her çar parçeyên Kurdistanê hatibû lidarxistin, bi encamnameyê bi dawî bû.
Şêwira jinên kurd bi tevlibûna gelek jinên kurd ên ji çar parçeyên Kurdistanê bi dirûşmeya "Qirkirina jinan bi dawî bikin" dest pê kir.
Sibe dê bi tevlibûna jinên ji her çar parçeyên Kurdistanê, li Silêmaniyeyê Şêwira Jinên Kurd bê lidarxistin.
DAKAP’ê da zanîn ku ji ber tundiya polîsan a di mitînga 8’ê Adarê ya li Amedê de dê gilî bikin. DAKAP’ê wiha got: “Em ne dê li hemberî zexta we serî bitewînin û ne jî dê polîtîkayên we qebûl bikin.”
Di daxuyaniya ku ji bo 13 jinên ji Doza Kobanê tên darizandin de Berdevka Meclisa Jinan a HDP'ê Ayşe Acar Başaran got: "Bi rêbazên xwe yên têkçûyî û berê jî hatine ceribandin hûn nikarin bi jinan gavê paşde bidin avêtin."
Zeyneb Celaliyan a ku li Îranê ev 15 sal in girtiye û îşkenceyên giran lê hatine kirin bi rêya nameya ku şand wiha got: "Zalim tenê dixwazin ez poşman bibim. Ez ê çawa li dijî ewqas zilaliyetê û îşkenceya li min hatiye kitin tobe bikim? Zalim çiqas zilmê û îşkenceyê zêde bikin ez ê ewqas zêdetir bibim leheng."
Jinên ku tevlî mitînga 8'ê Adarê ya Wanê bûn, diyar kirin ku wê bi rihê 8'ê Adarê li qada Newrozê bin û ev tişt gotin: "Em ê azadiya Ocalan û girtiyên nexweş biqîrin"