Kamûran Daşdemîr ku li Girtîgeha Hejmar 2 ya Dumluyê ya Erziromê tê ragirtin diyar kir ku hejmara cezayên hucreyê yên tên dayin zêde dibin û banga hestiyariyê li rêxistinên maf, civaka sivîl û girseyên demokratîk kir.
Derheqê Velî Encu de ku ji bo birayê xwe û 33 kesên di Komkujiya Roboskê de hatin qetilkirin daxwaza edaletê kir, 17 doz hatin vekirin û 4 salan di girtîgehê de ma. Encû, got: “Ji Zîlanê heta Roboskê faîl tu caran nehatin girtin. Weke malbatên Roboskê em ji roja ewil heta niha li pey gotina xwe ne. Divê berpirsyarên komkujiyê bên darizandin.”
Nûnerên partiyên siyasî diyar kirin ku qetilkirina Nazim Daştan û Cîhan Bîlgînê nayê qebûlkirin û gotin,: “Divê tu rojnameger li hemberî qetilkirina Nazim û Cîhan bêdeng nemîne. Divê êdî em zincîrên tirsê bişikînin."
Emîra Er a ji Rojavayê ku beşdarî çalakiya nobedê ya li ser sînorê Nisêbîn-Qamişlo bû diyar kir ku ew ji bo piştgiriyê nehatine ser sînor, wekî xwediyê dozê hatine û got ku kurd jî wekî her kesî li Sûriyeyê mafê wan heye ku xwe bi rê ve bibin.
Dayikên Aştiyê yên di sala 2014’an de li dijî êrişên DAIŞ’ê yên li ser Kobanê çûbûn ser sînor, bal kişandin ser êrişên ser Bakur û Rojhilatê Sûriyeyê û wiha gotin: “Divê em dîsa bi ruhê 2014’an xwedî li Kobanê derkevin.”
Di sala 2024'an de biryarên DMME'yê nehatin bicihanîn, di doza Kobanê de ceza li siyasetmedar û rojnamegeran hat birîn, ji bo qeyûman tayîn bikin daraz bi kar anîn. Kesên ku kuştinên kiryar nediyar, tacîz û tecawizê hatibûn sûcdarkirin, bi rêya daraz û bêcezakirinê hatin parastin.
Berdevkê Ragihandina QSD'ê Ferhat Şamî daxuyaniya Wezareta Parastinê ya tirk a "Bendava Tişrînê bi temamî di bin kontrola SMO’yê de ye" derewand û got: "Em li vir in, em ê li vir bin."
Danişîna doza Narîn Guranê piştî navberê, dozger kurtehiya mutalaaya xwe pêşkeşî şandeya dadgehê kir. Danişîn, bi parastinên li dijî mutalaayê didome.
Berdevkê Komîsyona Girtîgehan a Şaxa ÎHD’a Edeneyê Azîz Sari diyar kir ku xetereyeke mezin li ser jiyana girtiyên nexweş Fevzî û Omer Arslan, Celal Ercan û Haci Alagaş heye û hişyarî da.
Di çalakiya nobetê ya li ser sînorê Qamişloyê de ev peyam hate dayin: “Em dilê Rojava ne. Heta ku ev şerê li her çar parçeyên Kurdistanê disekine em ê li ser pêyan bin.”
Nîzamettîn Kabaîş ku keça wî Rojîn Kabaîş bi awayekî guman jiyana xwe ji dest da, di 2’yemîn danişîna doza Narîn Guranê de li pêşiya edliyeyê bang li parêzeran kir û got: “Çima tu kes keça min napirs e? Keça min hate qetilkirin.”
Xebatkarê rojnameya Yenî Yaşamê Veysî Akoren hate berdan.
Endam û rêveberên GOÇÎZDER’ê bertek nîşanî biryara girtina komeleya wan dan û gotin: “Ev biryar, biryareke siyasî ye û derbeyeke li dijî têkoşîna lêgerîna maf e.”
Birayê Rêberê PKK’ê Abdullah Ocalan, Mehmet Ocalan di çalakiya nobetê ya li ser sînorê Pirsûs-Kobanê de axivî û wiha got: “Tirkiye, jiyana li Rojava hedef digire. Weke gelê Kurd em van êrişên ser Rojava qebûl nakin. Em ê xwedî li jiyana li wir derkevin.”