Der barê Seroka TTB’ê ya berê Şebnem Korur Fîncanci de bi hinceta ku têkildarî çekên kîmyewî daxuyanî da doz hatibû vekirin. Dadgehê dozê veguherand cezayê pere û 50 hezar lîre ceza li Fîncanci birî.
Endamên Meclisa Dayikên Aştiyê ku li navçeya Silopiyayê 3 rojan nobeta li dijî şer girtin, wiha gotin: “Em ji bo aştiyê amade ne, şer naxwazin.”
Wezareta Karên Hundir a Tirkiyeyê diyar kir ku tundiya polîsan a li dijî kesên tev li çalakiyên li dijî xespkirina îradeyê ya li Wanê bûn “qanûnî” ye.
Girtiyên li Girtîgeha Kirşehîrê li dijî binpêkirinan dest bi çalakiya greva birçîbûnê ya dorveger kirin.
Rojnamevan Zeynep Durgut û Mahmut Altintaş ku bi îşkencekirinê hatin binçavkirin diyar kirin di dema binçavkirinê de ewilî wênekêşên wan hatine desteserkirin û paşê hatine şikandin, bi tundiyê re rû bi rû mane û li dijî vê yeke dê serî li ÎHD bidin û gilî bikin.
Bulent Arinç ê AKP’î diyar kir ku kesên dixwazin pirsgirêka kurd çareser bikin divê hemû xetereyan bigirin ber çavan û wiha got: “Hûn ji Ocalan dixwazin ku bangawaziyê bike, wê demê divê hûn binê vê gotina xwe tije bikin.”
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 43 meh in tu agahiyan jê nagirin, serlêdan kirin.
Cemîl Îvrendî girtiyek nexweş e û 30 sal in girtî ye. Berdana Îvrendî bi hinceta “têkiliya wî bi rêxistinê re qut nebûye” 6 meh hat dirêjkirin.
Rojnamevan Memed Drews diyar kir ku hilbijartinên Parlamentoya Herêma Kurdistana Federe wê bibe pêşbirka navbera "Xakfiroş" û "Xakparêz"an û got ku encamên hilbijartinê wê bandorê li hevsengiyên li herêmê bike.
Tehliyeya Onûr Kangal ê li Girtîgeha Tîpa S a Kavakê tê ragirtin, bi îdiaya “Ji bo bê nav civakê amade nîne” saleke din hate taloqkirin.
Parêzer Cengîz Yureklî diyar kir ku Abdullah Ocalan tevî pirsgirêka kurd dikare hemû pirsgirêkên li Tirkiyeyê çareser bike û têkildarî daxuyaniyên vê dawiyê yên der barê "hevdîtin" û "pêvajoya nû" de jî wiha got: "Tişta ku tê gotin ne mimkun e û tew tiştekî manîpulatîf e. Lê belê divê deriyên Îmraliyê bên vekirin û fikirên birêz Ocalan bi rihetî bên gengeşekirin.”
Midûriyeta Giştî ya Meteorolojiyê di serî de Amed û Riha, ji bo 11 bajaran bi koda zer hişyariya barîna zêde kir.
Serokwekîlê Koma Meclisê Sirri Sureyya Onder ji bo karkerên Fernasê bi Ferhat Nasiroglû re hevdîtin kir û got ku zemîna pêşmutabeqetê amade bûye.