Rojnameger Reyhan Hacioglu di Girtîgeha Wanê de tê girtin û têkildarî îşkenceya ku li Belma Nergîz a li heman girtîgehê dimîne hatiye kirin ji rojnameger Huseyîn Aykol re name şand û 2 rûpelên nameya wê hatiye reşkirin. Ligel astengiyan Hacioglu îşkenceya ku li Nergîz hatiye kirin ji raya giştî re ragihand.
Hevdîtina di navbera Şandeya Îmraliyê ya DEM Partiyê û Serokwezîrê Herêma Federe ya Kurdistanê de dest pê kir.
Rêveberê MED-DER’ê Halîl Îbrahîm Taş bal kişand ser zextên ser zimanê Kurdî û got: “Kurdî, bi dersa hilbijarî re nayê paşguhkirin. Divê bibe zimanê perwerdeyê û xwedî statu be.”
Helbestkar Alî Şeker ku helbestên xwe bi zaravayê Kirmanckî yê di lîsteya zimanên di bin xetereya tunebûnê de ya UNESCO'yê de dinivîse, diyar kir ku her ku mirov ji axa xwe dûr dikevin ziman winda dibe û got: "Hejmara kesên ku dibêjin 'fêm dikim, lê nikarim biaxivim' gelekî zêde ye."
Alîkarê Serokê Giştî yê DEVA'yê Mehmet Emîn Ekmen bal kişand ser gengeşeyên çareseriya pirsgirêka Kurd û got: "Dema ev mijar bên Meclisê, em ê ji bo veguherîna demokratîk a civak, siyaset û dewletê tevkariyeke erênî bikin."
Di encama êrişên 2 mehan ên dewleta tirk û komên girêdayî wê de yên li dijî Kantona Firatê, 18 xwendekar û mamoste hatin qetilkirin û 8 jî birîndar bûn. Her wiha gelek dibistan wêran bûn û bi sedan xwendekar ji xwendinê bêpar man.
Operasyona qirkirina siyasî ya li dijî HDK’ê û girtina Mehmet Turkmen li gelek bajaran hat protestokirin û peyama ‘"Dem dema yekbûn û mezinkirina têkoşînê ye" hate dayîn.
Konseya Bajar a Amedê bertek nîşanî tayînkirina qeyûman da û xwest qanûna rê li ber tayînkirina qeyûman vedike were betalkirin.
Bafil Celal Talabanî piştî hevdîtina bi Şandeya Îmraliyê re daxuyanî da û got: “Tekane rêya çareseriyê nîqaşên jidil û diyalog e.”
Bi tevlibûna gelek hunermendan li dijî serdegirtina avahiya Mala Hunerê ya Jîn Artê çalakiya nobetê ya çand-hunerê hate destpêkrin.
MKG’ê bertek nîşanî binçavkirina rojnamegeran da û xwest ku rojnamegerên îro hatin binçavkirin bên berdan.
YRA, YRJ û Rêxistina Mafên Mirovan êrişên dewleta tirk ên li dijî rojnamegeran ên li Bakur û Rojhilatê Sûriyeyê şermezar kirin û ji Nûnertiya NY’ê re name şandin.
HDK, TJA, DEM Partî û DBP’ê bertek nîşanî êrişa polîsan a li dijî Parlamentera DEM Partiyê Newroz Uysal Aslan dan û gotin ku dê têkoşîna wan a li dijî tundiya dewleta mêr bidome.
Hevserokê Giştî yê DBP’ê Keskîn Bayindir û parlamenterên DEM Partiyê bi boneya qetilkirina rojnameger Azîz Koyluoglû çûn serdana Rojnewsê û sersaxî jê xwestin.