Komek ji 50 kesan pêk diha bi ser Serwîsa Lezgînî ya Nexweşxaneya Dewletê ya Çûkûrovayê ve girt. Kedkarên tenduristiyê ji ber ku ewlehiya canê wan tune bû dest ji kar berdan.
Serokê Odeya Bıjişkan a Rihayê Bulut Ezer diyar kir ku hişyariyên wan ên li hemberî tahdeya li ser tenduristiyê esas nehatine girtin û got: "Dawiya vê yekê tune ye. Tahdeya li tenduristiyê berhema polîtîkayên tenduristiyê ya desthilatê ye."
Şaxa SES’ê ya Amedê bertek nîşanî girtina Hevseroka Giştî yê SES’ê Selma Atabey da.
Welatiyên li Wanê dijîn di arefeya Cejna Qûrbanê de anîn ziman ku ew nekarîn şekir û qûrbanan bistînin û berpirsyarê vê feqîriyê desthilata AKP’ê ye
Sewalvan Mûzaffer Çetîn ku di arîfeya Cejna Qurbanê de tenê 3 heywan firotine got: "Mesrefa rojane ya heywanekê 100 TL ye. Ez kîloya heywana sax bi 85 TL'yî difiroşim, lê li qesêb kîloya goşt 180 TL ye."
Li gor daneyên FAO'yê Tirkiye di warê îthalata ceh û genim de li seranserê cîhanê di rêza 3'yan de ye. Serok Odeya Endezyarên Çandiniyê Samet Ûcaman da zanîn ku îsal li dor 9-10 milyon genim dê were îthalkirin û û cotkaran jî got, desthilat li şûna ku genim îthal dike bila alîkariya cotkaran bike.
Platfoma Tenduristiyê ya Mêrdînê ku têkildarî Dr. Mûrat Fîlîz ê rastî êrişa xizmên nexweşan hatibû, daxuyanî da, diyar kir ku sedema tundiyê têkçûna pergala tendûristiyê ye û xwest bi lezgînî gav bên avêtin.
Meclisa ÎSÎG’ê ragihand k udi 6 mehên ewil ên salê de herî kêm 842 karker jiyana xwe ji dest dane.
Li Amedê esnafan destnîşan kirin ku cejn nêz bûye lê li kolanan kes tune ye û bal kişandin ser kûrbûna krîza aborî.
Hevseroka Genel-Îş'a Şaxa Êlihê Narîn Erol destnîşan kir ku Şaredariya Êlihê ya qeyûm tayinî wê hatiye kirin dixwaze 30 karkeran ji kar derxe û bi xala 35'an a li KHK'ê hatiye barkirin karker tên îxrackirin.
Hate diyarkirin ku di qezaya li kana madenê ya Şirnexê pêk hatiye de karkerekî jiyana xwe ji dest daye.
Li Şaredariya Bajarê Mezin a Mêrdînê, polîsên ku rêveberiya qeyûm wan kiriye serokên daîreyan îstifakirinê li karkerên şaredariyê yên endamên DÎSK Genel Îş’ê ferz dikin.
Li Amedê barkêşan diyar kir ku 10-15 roj in sifteh nekirine û fiyetê sotemeniyê kiriye ku nikarin bilebitin. Barkêş Lamî Kaya got: "Fiyetê mazotê dest û pêyên me girêdane. Par van çaxan 40 erebe di ber kar re nedigiahştin, lê niha 12 roj in min serfetih nekiriye."
Şêniyên Amedê bal kişandin ser budçeya pêvekî ya ku li Meclisê hevdîtinên ji bo wê didomin û wê wekî "budçeya şer pênasekirin." Amediyan ji bo vê yekê jî got: "Hemû budçe ji bo şer û qesra Erdogan tê veqetandin. Lê dîsa jî têra wan nake."
Piştî dibistan hatin girtin li kargehan hejmara karkerên zarok zêde bû. Zarokên malbatên xizan ên berê xwe didin atolyeyên tamîrkirina otoyan, mobîlyayan û tekstîlê beranberiya karê ku ji wan girantir tenê 600 an jî hezar û 500 lîre hqdest digirin.