Nivîskar Pakrat Estukyan, anî ziman ku diyalog bi nîqaşên 'terorîstanê' re nayê domandin û wiha got: "Rewşenbîrên rojavayî paradîgmaya Ocalan têdigihêjin. Lê li Tirkiyeyê rewşenbîrên bi vî rengî nîne."
Di çalakiyên li Stenbol, Enqere û Îzmîrê hatin lidarxistin de, banga berdana girtiyên nexweş hat kirin.
Birayê girtiya siyasî ya kurd Pexşan Ezîzî, Aso Ezîzî da zanîn ku ji bo bicihanîna cezayê darvekirinê yê Pexşan Ezîzî dosye ji bo daîreya înfazê ya ceza re hatiye şandin. Her wiha Ezîzî diyar kir ku saziyên ewlehiyê zextan li ser dadwer dikin da ku biryara darvekirinê were erêkirin.
Cenazeyên rojnameger Cîhan Bîlgîn û Nazîm Daştan ên hatin qetilkirin, Li Qamişloyê bi beşdariya bi hezaran kesî, hatin oxirkirin.
Nêrgiz Mihemedî der barê erêkirina cezayê darvekirinê yê li Pexşan Ezîzî hatiye birin de got: “Pejirandina cezayê darvekriinê, tolhildana ji rûmeta şoreşa ‘Jin, Jiyan, Azadî’ye. Bang li hemû rêxistin û welatiyan dikim ku dijî cezayê darvekirinê bibin yek û rawestînin.”
QSDˈê diyar kir ku nûçeya ajansa SANAˈyê ya ku dibêje wesayîteke bombebarkirî ji herêmên QSDˈê derbasî Helebê bûye ne rast in. QSDˈê ragihand ku ji bo rastiya bûyerê were aşkerakirin ew amade ye bi rêveberiya li Şamê re tevkariyê bike.
Rêxistinên DEM Partî û DBPê yên Amedê têkildarî pêvajoya heyî meş li dar xistin û daxuyanî dan. Di daxuyaniyê de hat xwestin ku hevdîtina bi Abdullah Ocalan re hatiye destpêkirin nebe qurbana hesabên biçûk.
Gelê Cizîrê li dijî hewldana tayînkirina qeyûm a Şaredariya Akdenîzê ya Mêrsînê meşeke girseyî pêk anî.
Tirkiye û komên paramîlîter ên girêdayî wê li derdora Pira Qereqozaxê maleke welatiyan topbaran kirin. Di êrişê de 2 zarok birîndar bûn.
Girseya ku li pêş Şaredariya Akdenizê kom bûn, bertekên xwe anîn ziman. Parlamentera DEM Partiyê ya Îzmirê Bûrcûgul Çûbûkê bal kişand ser hevdîtina li Îmraliyê û got: “Em ê bi ser bikevin. Dê gel bi ser bikeve.”
Dayikên Şemiyê di hefteya 1033'an a çalakiya xwe de ji bo 11 kesên li navçeya Basanê hatin qetilkirin banga edaletê kirin û careke din diyar kirin ku divê kujer bên darizandin.
Meclisa Dayikên Aştiyê ya Wanê têkildarî êrişên li ser Rojavayê û pêvajoya heyî daxûyanî dan û gotin: “Em van êrişan qebûl nakin û heya ku Rêberê Gelê Kurd Abdullah Ocalan azad nebe civak jî azad nabe. Bila ji bo aştiyêke bi rûmet destên xwe bidin destên Abdullah Ocalan.”
Piştî ku ji Cizîrê welatî gihaştin nobeda li Bendava Tişrînê, Tirkiyeyê derdora bendavê bombebaran kir.
Girtiyê siyasî Reza Mihemed Hisên bi peyamekê ragihand ku Îran bi cezayê darvekirina ji bo Pexşan Ezîzî û girtiyên din yên siyasî nikare dengê azad qut bike û got ku divê tu kes nebe hevkarê sûcan.