Starta çalakiyên 8’ê Adarê yên li Herêma Serhedê li Qersê hate dayin. Berdevka Meclisa Jinan a DEM Partiyê Halîde Turkoglû, got: “Armanca me ya esasî, aştiyeke birûmet e. Bi vê boneyê em ê li qadan bin û dev ji israra xwe ya ‘jin, jiyan, azadî’ bernedin.”
Parlamentera DEM Partiyê Nejla Demîr di meşa li dijî tayînkirina qeyûm a li Qaxizmanê de axivî û got: “Em di têkoşîna xwe de biisrar in.”
Ji ber nûçeya têkildarî nelirêtiyên li Şaredariya Midyadê ya AKP’î, der heqê rojnameger Ahmet Kanbal de lêpirsîn hate destpêkirin.
Baroya Qersê bertek nîşanî tayînkirina qeyûm a li Şaredariya Qaxizmanê da û got: “Nabe ku mafê bijartin û hilbijartinê bi awayekî keyfî ji holê were rakirin.”
Hevşaredarên Qaxizmanê ku li şûna wan qeyûm hate tayînkirin, wiha gotin: “Têkoşîna me ne tenê bi avahiya şaredariyê bisînor e. Li ku dibe bila bibe em ê têkoşîn a xwe bidomînin.”
Rojnameger Cengîz Altun di salvegera 33’yemîn a qetilkirina xwe de li ser gora xwe ya li Êlihê hat bibîranîn. Di bîranînê de hat gotin ku di salên 90’î de rojnamegerên Kurd li naverasta kolanan dihatin qetilkirin û heman zîhniyet îro bi SÎHA’yan qetil dike.
Di çarçoveya lêpirsîna HDK’ê de 30 kes hatibûn girtin. Îdiaya “Çepgir û sosyalîst anîne gel hev, fikra xweseriya demokratîk li rojavayê welat belav kirine” weke hinceta girtinê hate nîşandan.
Serokwekîla Koma DEM Partiyê Gulistan Kiliç Koçyîgît da zanîn ku dê di nava çend rojan de şandeya wan biçe Girtîgeha Îmraliyê û got: “Piştî vê hevdîtinê dê bi birêz Ocalan re dîroka banga dîrokî were diyarkirin.”
HSD’ê bi daxuyaniyekê ragihand ku hêzên wan êrişên dewleta tirk û komên wê yên paramîlîter ên di nava 24 saetên dawî de têk birine û hejmareke êrişkaran hatine kuştin.
Nivîskara sosyalîst û wergêr Sevîm Bellî jiyana xwe ji dest da.
Tehliyeya girtiyê nexweş Soydan Akay cara çaremîn bi hinceta “halnebaşiyê” ji bo 6 mehan hate taloqkirin. Malbata Akay, bertek nîşan da û got: “Ya ku tê kirin zilm e.”
Cîgirê Serokê Giştî yê CHP’ê Burhanettîn Bulut bertek nîşanî tayînkirina qeyûm a li Şaredariya Qaxizmanê da û got: “Îktîdarê, bi rêya lîstikên ser maseyê 12 şaredariyên di hilbijartinan de nekarîbû qezenc bike desteser kir.”
Wezareta Karên Hundir ji hilbijartinê 31’ê Adarê heta niha 10 jê yên DEM Partiyî bi giştî li 12 şaredariyan qeyûm tayîn kir.
DEM Partiyê bertek nîşanî tayînkirina qeyûm a li Şaredariya Qaxizmanê da û got: “Qeyûm, şerê îktîdara AKP’ê ya li dijî mafê bijartin û hilbijartinê yê gelan e.”
Hejmara vê hefteyê ya rojnameya Xwebûnê bi manşeta “Plana têkçûnê têk çû” derket.